«СӘУЛЕТ, ҚҰРЫЛЫС ЖӘНЕ КӨЛІК» ФАКУЛЬТЕТІ
КСРО Халық Комиссарлары Кеңесінің қаулысымен 1943 жылы Шымкент қаласында Құрылыс материалдарының технологиялық институты ашылды. Институттың құрылуы Қазақстанның, Орта Азия республикаларының, Сібірдің және Қиыр Шығыстың дамып келе жатқан құрылыс материалдары өнеркәсібін және құрылыс индустриясын инженерлік кадрлармен қамтамасыз етудің шұғыл қажеттілігімен түрткі болды.
Құрылыс-технологиялық факультеті институттың алғашқы факультеттерінің бірі болды, оның құрылуы біздің университеттің дамуындаөте маңызды роль атқарды.Университеттің 80 жылдық даму тарихында факультет республиканың қуатты ғылыми және оқу орталығына айналды, құрылыс материалдары өнеркәсібі үшін жоғары білікті инженерлік кадрларды даярлаудың көшбасшысы болды.
Факультеттің дамуына оның әр кезеңіндегі декандары өз үлестерін қосты: Смогоржевский В.У. (1958-1966 жж.), Сугуров Ш.Б. (1961-1971 жж.), Уркумбаев М.Ф. (1971-1972 жж.), Кирилин В.М. (1973-1976 жж.), Ускенбаев С.У. (1974-1976 жж), Терехович С.Ф. (1976-1980 жж.), Порошин Н.А. (1973-1980 жж), Ескендиров Ш.З. (1976-1982 жж), Муталиев Н.М. (1980-1984 жж), Сузев Н.А. (1980-1986 жж), Сыздықов И.С. (1984-1988 жж.), Айменов Ж.Т. (1988-1993 жж.), Югай О.К. (1991-1992 жж), Мұраталин Н.К.(1993-1996 жж), Алтыбаев М.А. (1993-1994 жж), Сариев А.А. (1994-1996 жж), Алтаев М.А. (1997-1998 жж), Арапов Б.Р. (1997-1999 жж), Үсенқұлов Ж.А. (1997-2001 жж.), Ахметов А.Р. (2001-2004 жж.), Абдрашев С.Ж. (2004-2008 жж.), Жақаш А.З. (2008-2009 жж.), Байболов Қ.С. (2009-2010 жж.), Садықов Ж.А. (2010-2020 жж.), Иманалиев Қ.Е. (2020-2023 жж.).
2023 жылдың мамыр айынан бастап факультетті техника ғылымдарының кандидаты, доцент Абшенов Хасен Асанбекұлы басқарады.
Факультеттің кафедралары мен мамандықтарын (білім беру бағдарламаларын) ұйымдастыруда және дамытуда олардың кафедра меңгерушілері мен жетекші ғалымдары маңызды рөл атқарды, олар ғылыми-педагогикалық кадрларды таңдап, тәрбиелеп, ғылыми бағыттарды ашып, жетекшілік етті, оқу процесінің материалдық-техникалық және ғылыми-әдістемелік базасын дамытты. Олардың ішінде: Шарафеева З. Ш., Комарова Н.Н., Байбулеков А.Б., Мамонтов Ю.А., Исмаилов А.А., Қалшабекова Э.Н., Төленов А.Т. және т.б. ғалымдар болды.
Уақыт өте факультеттіңқұрамы мен құрылымы өзгеріп отырды,1999 жылы университеттің Ғылыми Кеңесінің шешімімен «Құрылыс-технологиялық» және «Механика-машина жасау» факультеттері «Механика-құрылыс» факультеті болып қайта құрылды. 2020 жылы факультет атауы білім беру бағдарламаларының мазмұнына байланысты «Сәулет, құрылыс және көлік» болып өзгертілді.
Қазіргі таңда факультетте жоғары білікті мамандар даярлауды 155 оқытушы жүзеге асырады, оның ішінде: 9 ғылым докторлары мен профессорлары, 49 ғылым кандидаттары және 10 phD докторлары бар.
Факультетте құрылыс материалдарын, бұйымдары және құрастырылымдарын сынау бойынша арнайы зертханалар, теміржол желісін имитациялық модельдеуге арналған компьютерлік бағдарламасы бар «Open Track» зертханасы (Швейцария федералды технологиялық институтының көліктік жоспарлау және жүйелер бойынша зерттеу жобасы аясында әзірленген) жұмыс жасайды.
Факультеттің ғылыми-зерттеу жұмыстары келесі бағыттар бойынша жүзеге асырылуда:
1) кесудің жаңа технологиясы бойынша ұялы бетоннан жасалған тиімді бұйымдар мен конструкциялардың қасиеттері мен технологияларын жетілдіру;
2) Автомобиль жолдарының құрылысында үшін Түркістан облысының шикізат материалдарын қолдану;
3) Қазақстанда әрлеу және қабырға құрылыс материалдарының жаңа өндірісінің жергілікті шикізаты мен техногендік қалдықтарын зерделеу;
4) Бетон технологиясы мен темірбетон технологиясының көмегімен климаттық жағдайларды есептеу кезінде жергілікті шикізат негізінде пайдалану сипаттамалары мен материалдарын жетілдіру;
5) Азаматтық және өнеркәсіптік объектілердің өнеркәсіптік, өрт қауіпсіздігінің және Қазақстан Республикасының тұрмыстық және өнеркәсіптік қалдықтарын қайта өңдеудің инновациялық және жетілдірілген технологияларын әзірлеу;
6) Жерүсті көлік құралдарын пайдаланудың сенімділігі мен тиімділігін арттыру әдістерін дамыту.
Факультеттің профессор-оқытушы құрамының ғылыми - зерттеу жұмыстарының нәтижелері жоғары импакт-факторы бар РИНЦ, Scopus, Web of Science деректер базасында индекстелетін ғылыми журналдарда үнемі жарияланады.
Оқытушылармен қатар ғылыми-зерттеу жұмысына факультет студенттері де белсенді қатысады, олардың көпшілігі республикалық және халықаралық конкурстар мен олимпиадалардың жеңімпаздары мен жүлдегерлері болып табылады.
Біз факультетімізді әр жылдары бітірген жоғары білікті инженер болған, танымал қоғам және мемлекет қайраткері атанған түлектерімізді мақтаныш тұтамыз, олар - Тшанов А.К., Уркумбаев М.Ф., Жылқышиев Б.А., Ергешев Р.Б., Рамазанов Е.А., Мырзахметов Ш.М., Сейтжаппаров Н.С., Сейтжанов С.С., Лунин В.И., Рудов Г.А. және басқалары.
Бүгінгі күні факультет құрамына 6 кафедра кіреді: «Сәулет және қала құрылысы», «Көлік, тасымалдауды және қозғалысты ұйымдастыру», «Өнеркәсіптік, азаматтық және жол құрылысы», «Құрылыс материалдары және құрылыстағы сараптама», «Тіршілік қауіпсіздігі және қоршаған ортаны қорғау», «Техникалық мамандықтарға арналған практикалық орыс тілі».
Факультетте қазіргі таңда бакалавриат, магистратура және PhD докторантураның келесі білім беру бағдарламалары бойынша мамандар даярланады:
-6В07310, 7М07310 - Сәулет;
-6В07311-Қала құрылысы;
- 6В07320, 7М07320, 8D07320-Құрылыс;
- 6В07321-Өнеркәсіптік және азаматтық құрылыс технологиясы;
- 6В07322-Автомобиль жолдары мен аэродромдар құрылысы;
-6В07340, 7М07340, 8D07340-Құрылыс материалдарын, бұйымдары және құрастырылымдарын өндіру;
-6В07088(1)-«Құрылыстағы сараптама және техникалық бақылау»;
-6В11210, 7М11210, 8D11210 - Қоршаған ортаны қорғаужәне тіршілік қауіпсіздігі;
-6В07130, 7М07130-Көлік, көліктік техника және технологиялар;
-6В07131-Автосервис және фирмалық қызмет көрсету;
-6В11310-Көлікті пайдалану және жүк қозғалысы мен тасымалдауды ұйымдастыру;
- 6В11311-Темір жол көлігінде тасымалдауды ұйымдастыру;
-6В11312-Көлік логистикасы; 7М07133-Көлік жүйелерінің логистикасы.
